أنت راضي لحد ما تبدأ تقارن نفسك بغيرك !!!!
- راضي 💴 بمرتبك لحد ما تبدأ تشوف مرتب زميلك.
- راضي 📊 بمعدل تطورك كل يوم لحد ما تبدأ تشوف معدل تطور شخص بتتابعه وبيبهرك.
- راضي 😓 بمجهودك لحد ما تشوف مجهود صاحبك في الشغل.
- راضي 👨🏫 بحياتك لحد ما تشوف نعيم حياة شخص مقرب منك.
- راضي بنصيبك لحد ما تشوف نصيب غيرك من 🤗 الفرحة/ الحياة/ 💑 الزواج/ النجاح 🏆
أنت حياتك كلها ممكن تكون راضي عنها بنسبة ١٠٠٪ لكن مجرد ما تشوف 🎭 مقابلها عند حد تاني شكلها أحسن لو مسيطرتش على نفسك.
هتبدأ 😡 تنقم على النعم اللي في حياتك اللي كانت عجباك عادي دي وتبدأ تدخل في أمراض قلوب ربنا يعافينا منها.
مع إن ممكن نفس الحاجة اللي أنت ⚖️ قارنتها بغيرك تكون دي النعمة الوحيدة اللي هونت عليه حياته وأنت عندك نعم تانية كتير بس بطلت تشوفها من حجم المقارنات اللي ملت قلبك وحياتك وحسستك بالشقاء.
ارضى بحياتك/ نصيبك/ مستواك/ مجهودك/ وحتى ابتلاءاتك.
وتأكد إن حياتك العادية بنسبالك دي هي حلم لشخص تاني بيتمنى ربعها برغم بساطتها من وجهه نظرك
- وخلى دايمًا قدامك الآية دي:
{وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ}