القيادة = الشجاعة

 القيادة = الشجاعة

الذكاء والكفاءة مهمين،

بس لو بندوّر على “أهم” صفة في أي قائد حقيقي، فهي الشجاعة.

الشجاعة إنك تاخد قرار كبير، في وقت صعب، وانت عارف إنك الوحيد اللي هتتحمل تبعيته.

الشجاعة إنك تتحمل مسؤولية القرار، وتتحمل تبعياته.. حتى لو كانت غير متوقعة.

الشجاعة إنك تتحرك، رغم إن الصورة مش كاملة.. بس عندك رؤية واضحة، إحساس عالي بالمسؤولية، وثقة حقيقية في الفريق اللي معاك.

طبعًا الـ data analysis مهمة.

بس مهما كانت دقيقة، مفيش model هيعوّض غياب الشجاعة.

القائد الحقيقي ما بيستناش guarantees.. القائد الحقيقي هو نفسه الضمان.

وده مش كلام نظري، في نماذج شفناها على أرض الواقع زي الحاج محمود العربي، اللي كان دايمًا صاحب قرار، ولما بياخده كان بيتحمل مسؤوليته كاملة، مهما كانت التبعات.

لأن التوكل مش معناه تقعد تستنى الضوء الأخضر، التوكل الحقيقي معناه إنك تبدأ، وتتحرك بثقة في ربنا، وبإحساس حقيقي بالمسؤولية.

القيادة مش في إنك تاخد القرار بس.

القيادة الحقيقية إنك تمتلك القرار، وتكمل فيه، حتى لو الطريق مش سهل.