مصر دلوقتي دخلت مرحلة جديدة من تهديد امنها.. مرحلة محاولة فرض الأمر الواقع والاحراج الدولي.. كمل البوست ده وهتفهم
مراكز توزيع المساعدات الامريكية من اول يوم ليها اثبتت فشلها بجدارة، وهو الشيء المتوقع لإن مراكز التوزيع بدل ماكانت أكتر من 400 نقطة توزيع تابعين للأمم المتحدة في جميع أنحاء قطاع غزة، الخطة الجديدة بتاعة امريكا خليتهم 4 نقاط توزيع بس وكلهم في الجنوب، وكل نقطة هتغطي حوالي 300 ألف شخص، يعني إجمالًا النقط دي هتخدم حوالي 1.2 مليون بني ادم، على 4 نقاط توزيع.. متخيل كم الزحمة والتكدس وحالات الوفاة؟!
او متخيل وقت ما الناس متجمعة بالكم ده تقوم القوات الاسر/**لية تـ*ـرب عليهم وهو الشيء اللي حصل بالفعل النهاردة لما حصل فوضى اثناء توزيع المساعدات بالشكل اللي في الصور ده.. بس خلينا نكمل باقي الخطة
دلوقتي احنا هنقدم مساعدات لـ1.2 مليون فلسطيني في الجنوب، طب باقي الـ2 مليون اللي موجودين في الشمال وباقي غزة؟
اه بالظبط هيضطروا ينزحوا للجنوب عشان ياكلوا
الفكرة بقا ان مكان نقاط التوزيع معمول تحديدًا جنوب محور "نتساريم" اللي بيفصل شمال وجنوب القطاع، وده معناه إن الفلسطيني اللي عايش في الشمال وعايز ياكل، لازم ينزل الجنوب اولا، ويعدي من وسط القوات الاسر/*لية عشان يروح لنقاط توزيع المساعدات ثانيا.. طب عدى..
خلاص كدة ممنوع يرجع تاني.. وهيفضل في مكانه
ومبروك خطة تجميع الفلسطينيين في مكان واحد نجحت وهنبدأ الجزء التاني من الخطة
وهو تفريغ غزة بالكامل!
احنا زي ما قولنا السكان اتمركزوا كلهمم في الجنوب، واتقفل عليهم السكة في الشمال.. هنبدأ نـdرب بقا، وده مش فرض يا يحصل ياميحصلش لإننا زي ما قولنا في الاول ان النهاردة لما حصل فوضى القوات الاسر/**لية ضـ_بت بالفعل.. فهو ده اللي هيحصل
بالتالي مفيش منفذ ولا مخرج غير فين؟!
بالظبط
البوابات المصرية.. الإحراج الدولي بقا في إنك وقتها لو رفضت تدخلهم فإنت مشارك في الاـ/*ـادة وحصار الفلسطينيين
ولو دخلتهم فإنت مشارك في تصفية القضية الى الابد!
الوضع مقلق لأبعد درجة ممكنة
والموقف اللي مصر محطوطة فيه من أصعب وأهم واخطر المواقف اللي مرت علينا
مش عارفين نقول حاجة غير ربنا يسترها زي ماسترها كتير قبل كدة..